പ്രോട്ടീൻ കലവറയായ പഴ വർഗങ്ങളിലെ പുതുമുഖം; അക്കായിയെ പരിചയപ്പെടാം
പ്രോട്ടീൻ കലവറയായ പഴ വർഗങ്ങളിലെ പുതുമുഖം; അക്കായിയെ പരിചയപ്പെടാം. കവുങ്ങിനെ ഓർമിപ്പിക്കുന്ന ഈ പഴവർഗക്കാരിയുടെ 100 ഗ്രാം പൊടിയിൽ 533.9 കലോറി ഊർജം അടങ്ങിയിട്ടുണ്ട്. വിറ്റാമിനുകൾ, കാത്സ്യം, കാർബോഹൈഡ്രേറ്റ്, പ്രോട്ടീൻ തുടങ്ങി അനേകം പോഷകമൂലകങ്ങളുടെ അമൂല്യ കലവറയാണ് അക്കായി. കൂടാതെ എൽഡി കൊളസ്ട്രോൾ കുറയ്ക്കുന്നതിനും ട്യൂമർ, കാൻസർ എന്നിവ പ്രതിരോധിക്കുന്നതിനും അക്കായി പേരുകേട്ടതാണ്.
നല്ല സൂര്യപ്രകാശവും നീർവാർച്ചയുമുള്ള മണ്ണിലാണ് അക്കായിച്ചെടി നടേണ്ടത്. രണ്ടടി ആഴത്തിലും വീതിയിലും നീളത്തിലും കുഴികളെടുത്ത് ചാണകവും, കമ്പോസ്റ്റും, മേൽമണ്ണം ചേർത്ത് കുഴികൾ മൂടിയശേഷം തൈ നടാം. വിത്തുകൾ മുളപ്പിച്ച തൈകളാണ് സാധാരണയായി നടീലിന് ഉപയോഗിക്കുന്നത്. കാറ്റത്ത് ആടി ഉലയാതിരിക്കാൻ കമ്പ് നാട്ടി ചെടി കെട്ടിവയ്ക്കണം
വേനലിൽ ജലസേചനവും മറ്റ് പരിചരണങ്ങളും കക്കായിക്ക് നിർബന്ധമാണ്. നാലാം വർഷമാണ് അക്കായി കായ്ക്കുന്നത്. വർഷം മുഴുവൻ കായ്ക്കുമെങ്കിലും മഴക്കാലം വിളവെടുപ്പിന് അനുയോജ്യമല്ല. ജനുവരിമുതൽ ജൂൺവരെയും, ആഗസ്ത്മുതൽ ഡിസംബർവരെയും വിളവെടുക്കാം. 25 മീറ്റർവരെ ഉയരത്തിലെത്തുന്ന ഈ പനവർഗത്തിന്റെ ശാഖകളും ശിഖരങ്ങളും മൂന്നു മീറ്റർവരെ വ്യാപിക്കും,
അക്കായി ബെറി എന്നറിയപ്പെടുന്ന കറുത്ത മുന്തിരിപോലുള്ള കായ്കൾ ഒരുകുലയിൽ 500 മുതൽ 800 വരെ എണ്ണം ഉണ്ടാകും ഇവ നേരിട്ട് കഴിക്കുകയോ മൂല്യവർധിത ഉൽപ്പന്നങ്ങളും ഉണ്ടാക്കാൻ ഉപയോഗിക്കുകയോ ചെയ്യാം. ന്നെ. മൂല്യവർധിത ഉൽപ്പന്നമായ അക്കായി ഓയിലിന് വിപണിയിൽ ധാരാളം ആവശ്യക്കാരുണ്ട്.
Image: digestive-health-practitioner.com