വിളവെടുപ്പ് കാലമെത്തിയതോടെ കശുവണ്ടിക്ക് നല്ലകാലം തെളിയുന്നു; പ്രതീക്ഷയോടെ കർഷകർ

വിളവെടുപ്പ് കാലമെത്തിയതോടെ കശുവണ്ടിക്ക് നല്ലകാലം തെളിയുന്നു; പ്രതീക്ഷയോടെ കർഷകർ. കേരളത്തിലെ
കണ്ണൂർ, കാസർഗോഡ് തുടങ്ങിയ ജില്ലകളിൽ ധാരാളമായി കൃഷി ചെയൂന്ന കശുവണ്ടിക്ക് ഇത്തവണ വിപണിയിൽ നല്ലകാലമായിരിക്കുമെന്നാണ് വിലനിലവാരം നൽകുന്ന സൂചന. കനത്ത മഴയെത്തുടർന്ന് ഉത്പാദനം കുറയുകയും കയറ്റുമതി കൂടുകയും ചെയ്തതാണ് വില ഉയരാൻ കാരണമെന്ന് വ്യാപാരികൾ പറയുന്നു.

കശുഅണ്ടി ഒരു കിലോയ്ക്ക് 130 മുതൽ 140 രൂപവരെയും പരിപ്പ് കിലോയ്ക്ക് 700 രൂപ മുതൽ 800 രൂപവരെയുമാണ് വിപണിയിലെ ശരാശരി വില. 180 രൂപവരെ വില ലഭിച്ചിരുന്നത് കനത്ത മഴയെ തുടർന്നാണ് 130 വരെ താഴ്ന്നത്. നല്ലയിനം കശുഅണ്ടി 120 എണ്ണം വരെയുണ്ടെങ്കിൽ ഒരു കിലോഗ്രാം തൂക്കം ലഭിക്കും. മാർച്ച് മുതൽ മേയ് വരെയാണ് വിളവെടുപ്പ് കാലം.

കഴിഞ്ഞ ഏതാനും വർഷങ്ങളായി മികച്ച വിലയാണ് ലഭിക്കുന്നതെന്നും ഇത്തവണ കുറേക്കൂടി വില മെച്ചപ്പെട്ടെന്നും കർഷകർ പറയുന്നു. ഒരേക്കർ സ്ഥലത്തു നിന്ന് 10 മുതൽ 15 ക്വിന്റൽ വരെ കശുഅണ്ടി ഉത്പാദിപ്പിക്കുന്ന
കർഷകരുമുണ്ട്. മറ്റ് വിളകളെപോലെ വലിയ പരിചരണമൊന്നും കശുഅണ്ടിയ്ക്ക് ആവശ്യമില്ല എന്നതാണ് മറ്റൊരു മെച്ചം.

Also Read: മെയ് മാസം വാനിലക്കാലം; വാനില നടുന്നതിനു മുമ്പ് ശ്രദ്ധിക്കേണ്ട കാര്യങ്ങൾ

Image: pixabay.com