കേരളത്തില്‍ കാര്‍ഷിക മാധ്യമ പ്രവര്‍ത്തനം ഇനി ഡിജിറ്റൽ അവതാരത്തിലേക്ക്; ജൂലായ് 17 ന് ശില്പശാല സംഘടിപ്പിക്കും

കേരളത്തില്‍ കാര്‍ഷിക മാധ്യമ പ്രവര്‍ത്തനം ഇനി ഡിജിറ്റൽ അവതാരത്തിൽ; ജൂലായ് 17 ന് ശില്പശാല സംഘടിപ്പിക്കും. സംസ്ഥാന കാര്‍ഷിക വികസന കര്‍ഷക ക്ഷേമ വകുപ്പ് ഫാം ഇന്‍ഫര്‍മേഷന്‍ ബ്യൂറോയുടെയും കേരള കാര്‍ഷിക സര്‍വ്വകലാശാലയുടെയും കേന്ദ്ര ഗവണ്‍മെന്റിന്റെ ഇലക്ട്രോണിക്‌സ് ആന്റ് ഐ.ടി. മന്ത്രാലയത്തിന് കീഴിലെ വികാസ് പീഡിയ പോര്‍ട്ടലിന്റെയും സഹകരണത്തോടെ ജൂലായ് 17 ന് തൃശൂര്‍ മണ്ണൂത്തി കാര്‍ഷിക കോളേജ് ഓഡിറ്റോറിയത്തിലാണ് പരിപാടി. രാവിലെ ഒമ്പത് മണി മുതല്‍ അഞ്ച് മണി വരെയാണ് ശില്പശാല.

കൃഷി മന്ത്രി വി.എസ്. സുനില്‍ കുമാറിന്റെ നേതൃത്വത്തിൽ ഫാം ഇന്‍ഫര്‍മേഷന്‍ ബ്യൂറോയും വികാസ് പീഡിയയുമാണ് പരിപാടി സംഘടിപ്പിക്കുന്നത്. നവ മാധ്യമങ്ങളെ ഉപയോഗിച്ച് കേരളത്തിന്റെ കാര്‍ഷിക മുന്നേറ്റം പൊതുജനങ്ങളിൽ എത്തിക്കുന്നതിനും വിജയഗാഥകളും കൃഷിയും നല്ല മാതൃകകളും മൊബൈല്‍ ഫോണ്‍ ഉപയോഗിക്കുന്നവരിൽ എത്തിച്ച് കാര്‍ഷിക മേഖലയിലേക്കും അനുബന്ധ മേഖലകളിലേക്കും കര്‍ഷകരെ കൂടുതല്‍ ആകര്‍ഷിക്കുകയുമാണ് ഫാം ജേണലിസത്തിന്റെ പ്രധാന ലക്ഷ്യം.

ആദ്യഘട്ടത്തില്‍ പേരടങ്ങുന്ന ഡിജിറ്റല്‍ ഫാം ജേണലിസ്റ്റ് കൂട്ടായ്മയും രൂപീകരിക്കും. ഇവര്‍ക്ക് കൂടുതല്‍ പരിശീലനം നല്‍കി സമൂഹ മാധ്യമങ്ങൾ വഴി പ്രചരിപ്പിക്കുന്നതിന് ചെറിയ വീഡിയോകള്‍ നിര്‍മ്മിക്കും. ഓണ്‍ലൈന്‍ പോര്‍ട്ടലുകളുടെയും കാര്‍ഷിക മാസിക കളിലേയും വിവരങ്ങള്‍ വികാസ് പീഡിയ വഴിയും പ്രചരിപ്പിക്കും. 17 ന് നടക്കുന്ന ശില്പശാലയില്‍ പങ്കെടുക്കുന്നവരിൽ നിന്നാണ് ഡിജിറ്റല്‍ ഫാം ജേണലിസ്റ്റ് കൂട്ടായ്മ രൂപീകരിക്കുക.

Also Read: സംസ്ഥാനത്ത് പേമാരിയിലും കാറ്റിലും വ്യാപക കൃഷിനാശം; മഴക്കെടുതിയിൽ വലഞ്ഞ് കർഷകർ