നെല്ലിക്ക വീട്ടിൽ കൃഷി ചെയ്താൽ രണ്ടുണ്ട് നേട്ടം; കുറഞ്ഞ പരിചരണത്തിൽ കൂടുതൽ വിളവും ആരോഗ്യവും
നെല്ലിക്ക വീട്ടിൽ കൃഷി ചെയ്താൽ രണ്ടുണ്ട് നേട്ടം; കുറഞ്ഞ പരിചരണത്തിൽ കൂടുതൽ വിളവും ആരോഗ്യവും. ആരോഗ്യപരമായ കാര്യങ്ങളിൽ എന്നും മുന്നിൽ നിൽക്കുന്ന നെല്ലിക്ക അധികം പരിചരണം നൽകാതെ ഏതു ഭൂപ്രകൃതിയിലും കൃഷി ചെയ്യാം. വിത്തു പാകി മുളപ്പിച്ചുണ്ടാക്കുന്ന തൈകള് നട്ടും ഒട്ടു തൈകള് ഉപയോഗിച്ചുമാണ് പൊതുവേ നെല്ലി കൃഷി ചെയ്യുന്നത്. ഒട്ടുതൈ ആണ് ഉപയോഗിക്കുന്നതെങ്കില് പെട്ടെന്ന് തന്നെ വിളവ് ലഭിക്കുമെന്ന് മുൻപരിചയമുള്ള കർഷകർ പറയുന്നു.
അതേസമയം വിത്താണെങ്കില് പുറന്തോടിന് കട്ടിയുള്ളതു കാരണം മുളയ്ക്കാന് വൈകും. വിത്ത് വേര്പെടുത്തിയും നടുന്ന രീതിയും നിലവിലുണ്ട്. ഇതിനായി ആദ്യം നെല്ലിക്ക വിത്ത് പാറപ്പുറത്ത് നിരത്തി മൂന്നോ നാലോ ദിവസം വെയില് കൊള്ളിക്കണം. പുറന്തോട് പൊട്ടിവരുന്ന വിത്തുകള് ശേഖരിച്ച് പാകാം. ഒരു വര്ഷം പ്രായമായ തൈകളാണ് കൃഷി ചെയ്യുവാന് ഉപയോഗിക്കുന്നത്.
പത്ത് കിലോ ചാണകപ്പൊടി, എല്ലുപൊടി, മേല്മണ്ണ് എന്നിവ ചേര്ത്ത് പരുവപ്പെടുത്തി ചെടികള് തമ്മിലും വരികള് തമ്മിലും 8x8 മീറ്റര് അകലത്തില് കുഴികളെടുത്തു വേണം നടേണ്ടത്. ഒട്ടു തൈകളാണ് നടുന്നതെങ്കില് ഒട്ടിച്ച ഭാഗം മണ്ണിനടിയില് പെടാതിരിക്കാന് ശ്രദ്ധിക്കണം. തൈകള്നട്ട് 10 വര്ഷം കഴിയുമ്പോള് നെല്ലിമരം പൂവിട്ടു തുറങ്ങും. നെല്ലിക്കകൾ ജനുവരി, ഫെബ്രുവരി മാസങ്ങളിൽ പറിക്കാൻ പാകമാവും.
ഒരു മരത്തില്നിന്ന് ശരാശരി 30 മുതൽ 35 കിലോവരെ നെല്ലിക്ക ഒരു വര്ഷം ലഭിക്കും. ഇരുമ്പ്, വിറ്റാമിന് എ, അന്നജം, വിറ്റാമിന് സി, നാരുകള്, കാത്സ്യം, ഫോസ്ഫറസ്, വിറ്റാമിന് എ, അന്നജം, വിറ്റാമിന് ബി ത്രി തുടങ്ങിയവ സുലഭമായി ഉള്ളതിനാൽ ആരോഗ്യം പ്രദാനം ചെയ്യുന്നതിൽ പ്രശ്സ്തനാണ് പണ്ടേ നെല്ലിക്ക.
Image: facebook