വട്ടവടയിലെ കർഷകർക്ക് താങ്ങായി സ്ട്രോബറി; കിലോയ്ക്ക് വില 600 രൂപവരെ
|
Mannira.in Channel സബ്സ്ക്രൈബ് ചെയ്യൂ.
|
വട്ടവടയിലെ കർഷകർക്ക് താങ്ങായി സ്ട്രോബറി; കിലോയ്ക്ക് വില 600 രൂപവരെ ലഭിക്കുന്നതിനാൽ സ്ട്രോബറി കൃഷിയ്ക്ക് കർഷകർക്കിടയിൽ പ്രിയമേറുകയാണ്. കുറഞ്ഞ കാലയളവില്‍ കൂടുതല്‍ ആദായവും മൂല്യവര്‍ധിത ഉല്‍പ്പന്നങ്ങളും സ്ട്രോബറിയുടെ ആകർഷണീയത് കൂട്ടുന്നു.
കാലാവസ്ഥ അനുകൂലമാകുകയും ഉയര്‍ന്ന വില ലഭിക്കുകയും ചെയ്ത പശ്ചാത്തലത്തിലാണ് വട്ടവടയിലെ കര്‍ഷകര്‍ വീണ്ടും സ്ട്രോബറി കൃഷിയിലേയ്ക്ക് തിരിയുന്നത്. മറ്റ് കൃഷികളെ അപേക്ഷിച്ച് ഒരു തവണ പണം മുടക്കിയാല്‍ നിരവധി തവണ വിളവെടുക്കാമെന്നതാണ് സ്ട്രോബറിയുടെ പ്രത്യേകത. തുടർച്ചയായി ആറു വര്‍ഷം വരെ വിളവെടുക്കുവാന്‍ കഴിയും.
വര്‍ഷത്തില്‍ മൂന്ന് തവണയാണ് വിളവെടുപ്പ്. നിലവില്‍ ഒരു കിലോയ്ക്ക് 400 മുതല്‍ 600 വരെ വില ലഭിക്കുന്നുണ്ട്. ഇതു കൂടാതെ സ്‌ട്രോബറിയില്‍ നിന്ന് ഉണ്ടാക്കുന്ന ജാം, വൈന്‍, ശീതളപാനീയങ്ങള്‍ തുടങ്ങിയ ഉല്പ്പന്നങ്ങൾക്കും വിപണിയിൽ ധാരാളം ആവശ്യക്കാരുണ്ട്. കാലാവസ്ഥയിലുണ്ടായ മാറ്റവും വിലത്തകര്‍ച്ചയും മൂലം സ്ട്രോബറി കൃഷിയിൽ നിന്ന് പിന്മാറിയ കര്‍ഷകര്‍ പതിയെ തിരിച്ചുവരുന്ന കാഴ്ചയാണ് വട്ടവടയിൽ.
മറ്റു സ്ഥലങ്ങളെ അപേക്ഷിച്ച് ഇവിടെ വിളയുന്ന സ്‌ട്രോബറിയ്ക്ക് തിളങ്ങുന്ന ചുവപ്പും നല്ല വലിപ്പമുള്ളതായി കർഷകർ പറയുന്നു. സമ്പൂര്‍ണ്ണ ജൈവകൃഷിയാണെന്നതും ശ്രദ്ധേയം. സംസ്ഥാന ഹോര്‍ട്ടികോര്‍പ്പ് മിഷന്‍ പ്രത്യേക പദ്ധതിയിൽ ഉൾപ്പെടുത്തി കൃഷിഭവനുകൾ വഴി 32,000 തൈകള്‍ കര്‍ഷകര്‍ക്ക് വിതരണം ചെയ്തതതും വട്ടവടയിൽ സ്ട്രോബറി കൃഷി വ്യാപിക്കാൻ കാരണമായി.
Also Read: ചെന്നൈ, സേലം എട്ടുവരിപ്പാതയ്ക്കെതിരെ കർഷക പ്രക്ഷോഭം ആളിപ്പടരുന്നു; കുലുക്കമില്ലാതെ തമിഴ്നാട് സർക്കാർ
Image: pixabay.com
|
Mannira.in Channel സബ്സ്ക്രൈബ് ചെയ്യൂ.
|
