ലളിതവും ചെലവ് കുറഞ്ഞതുമായ വാഴകൃഷി

മലയാളികളുടെ ഭക്ഷണശൈലിയിൽ കാലങ്ങളായി വാഴപ്പഴം ഒന്നാംസ്ഥാനം കയ്യടക്കിയിരിക്കുന്നു. വാഴകൃഷി ലളിതവും ചിലവുകുറഞ്ഞതുമായതുകൊണ്ട് ഇന്ത്യയിൽ തന്നെ 20% ഭൂവിസ്തൃതിയിൽ വ്യാപിച്ചിരിക്കുകയാണ്. ലോകത്ത് ആദ്യമായി കൃഷി ചെയ്ത ഭക്ഷ്യവിളകളിൽ പ്രാധാന്യമർഹിക്കുന്ന ഒന്നാണ് വാഴ. ലഭ്യമായ വസ്തുതകളനുസരിച്ച B.C. 500 മുതല്‍ തന്നെ ഇന്ത്യയില്‍ വാഴകൃഷി ചെയ്തു തുടങ്ങി എന്ന് കരുതപ്പെടുന്നു. ഇന്ത്യ – ബർമ്മ പ്രദേശങ്ങളിലെവിടെയോ ആണ് വാഴയുടെ ഉത്ഭവം. പിന്നീട് ലോകത്തിന്റെ പല ഭാഗങ്ങളിലായി വാഴകൃഷി ഗണ്യമായ തോതിൽ കൃഷി ചെയ്തുതുടങ്ങി. 1,516 ആയപ്പോഴേക്കും പോർച്ചുഗീസുകാർ ഈ കൃഷിയെ  വളരെ താത്പര്യത്തോടെ വ്യാപിപ്പിച്ചു. ഇന്ന് 120 രാജ്യങ്ങളിലായി 10 ദശലക്ഷം ഹെക്ടറിൽ വാഴകൃഷി ചെയ്യപ്പെടുന്നു. വിതരണമേഖലയിലും കൃഷിയിലും മുന്തിനിൽക്കുന്നത് ഇന്ത്യയാണ്. തമിഴ്നാടാണ് വിസ്തൃതിയിലും ഉത്പാദനത്തിലും മുന്നേറുന്ന സംസ്ഥാനം.

സസ്യശാസ്ത്രപരമായി ഏറെ സവിശേഷതകൾ ഒരു വിളയാണ് വാഴ. വാഴയുടെ മണ്ണിനടിയിലുളള ഭാഗമായ മാണം മുതൽ വാഴത്തട, പൂങ്കുല, പഴം മുതലായ വളർച്ചയുടെ വിവിധഘട്ടങ്ങളിലുളള ഉത്പന്നങ്ങൾ പോഷകസമൃദ്ധവും വിപണനമൂല്യമുളളവയാണ്.

Also Read: വാഴക്കൃഷിയുടെ പ്രധാനശത്രുവായ നിമ വിരകളുടെ ആക്രമണം വ്യാപകമാകുന്നു; നിയന്ത്രണ മാർഗങ്ങൾ

അനുയോജ്യമായ കാലാവസ്ഥ

വാഴകൃഷിക്ക് 20-30 ഡിഗ്രി സെൽഷ്യസ് ആണ് അനുയോജ്യം. എന്നാൽ സസ്യവളർച്ചക്ക് 20 ഡിഗ്രി സെൽഷ്യസിൽ നിന്ന് താഴെയുള്ള ഊഷ്മാവും, കുലവളരുന്നതും കായകളുടെ വികാസവും 20-30 ഡിഗ്രി സെൽഷ്യസ് ഊഷ്മാവുമാണ് മാതൃകാപരം. 35 ഡിഗ്രി സെൽഷ്യസിനു മുകളിലായി ഊഷ്മാവ് അനുഭവപ്പെട്ടാൽ ഫലങ്ങൾ പഴുക്കുന്നതിന്റെ സൂചനയായി കണക്കാക്കാം. നടീൽ സമയവും കാലാവസ്ഥയും പരസ്പരം ബന്ധപ്പെട്ട് കിടക്കുന്ന ഘടകങ്ങൾ ആണ്. മൺസൂൺ കാലമായ ജൂൺ-സപ്തംബർ വരെയുള്ള സമയമാണ് നടീൽ പ്രവർത്തനങ്ങൾക്ക് ഉത്തമം.

ജലസേചനം

വാഴകൃഷിക്ക് അതിന്റെ വളർച്ചയുടെ കാലയളവിൽ 1200ലിറ്റർ ജലം അത്യന്താപേക്ഷിതമാണ്. അത്രയും ജലം മഴയിലൂടെയോ ജലസേചനം വഴിയോ ലഭ്യമാക്കണം. അല്ലാത്തപക്ഷം വിളയുടെ സമ്പൂർണ്ണ വിനാശമായിരിക്കും ഫലം.
ഫലപ്രദമായ ചില ജലസേചനമാതൃകകൾ:

ഡ്രിപ് ഇറിഗേഷൻ (തുള്ളിനന): ചെടിയുടെ വേരിനുചുറ്റും ആവശ്യമായ അളവനുസരിച്ച് ജലസേചനം നടത്തുന്ന രീതിയാണിത്. ജലലഭ്യത കുറഞ്ഞപ്രദേശങ്ങളിൽ ഈ രീതി കൂടുതലായി ഉപയോഗിക്കുന്നു.

ഫ്ളഡ് ഇറിഗേഷൻ

തോട്ടകൃഷിയിൽ സാധാരണയായി തടങ്ങളിലൂടെ വെള്ളം ഒഴുക്കിവിട്ടുള്ള ജലസേചനമാണ് നടത്തുന്നത്. മഞ്ഞുകാലത്ത് 2ആഴ്ചയ്ക്ക് ഒരു തവണയും വേനൽക്കാലത്ത് ആഴ്ചക്കൊരിക്കലും നനക്കുന്ന രീതിയാണിത്.

ബേസിൻ ഇറിഗേഷൻ

ബേസിൻ മാതൃകയിൽ സസ്യത്തിനുചുറ്റും തടമെടുത്ത് നനക്കുന്ന രീതിയാണിത്. നിരപ്പായ ഭൂമിയിലാണ് ഈ രീതിയിൽ അവലംബിക്കാറുളളത്. വേനലിൽ 3 ദിവസത്തിലൊരിക്കൽ നനക്കുന്ന രീതിയാണിത്.

ട്രെൻഞ്ച് ഇറിഗേഷൻ 

ആഴമുള്ള ചാലുകൾ രണ്ടുവരി വാഴകൾക്കിടയിലൂടെ കീറി മണ്ണിൽ പരമാവധി ഈർപ്പം നിലനിർത്താനും ഒഴുകിയെത്താനും അനുവാദിക്കുന്ന രീതിയാണിത്.

വിവിധ വാഴയിനങ്ങള്‍

വിവിധയിനങ്ങളിലുളള വാഴപ്പഴങ്ങൾ നമുക്കിന്ന് വിപണിയിൽ ലഭ്യമാണ്. അവയെല്ലാം വാഴകൃഷിയുടെ സാധ്യതകളെ വിപുലീകരിക്കുന്നു.

നേന്ത്രൻ: കേരളത്തിൽ സുലഭമായി ലഭ്യമാവുന്ന, കാലാവസ്ഥ അനുയോജ്യമായ, വാണിജ്യസാധ്യതകൾ ഉള്ള ഒരിനമാണ് നേന്ത്രൻപഴം. നീളവും വണ്ണവുമുളള ഈ ഫലം 5-10 ദിനങ്ങൾ വരെ കേടുകൂടാതെയിരിക്കും എന്ന സവിശേഷതയും ചിപ്സ് ഉണ്ടാക്കാനായി ധാരാളം ഉപയോഗിക്കുന്നതുകൊണ്ടും വിപണനമൂല്യം വർദ്ധിക്കുന്നു.

ഞാലിപ്പൂവൻ: നെയ്പൂവൻ, രസകദളി, വടക്കൻ കദളി, എൽകിബെയ്ൽ, സേഫ്ഡ് വെൽച്ചി എന്നീ പേരുകളിൽ അറിയപ്പെടുന്ന ഇടത്തരം വലിപ്പമുള്ള, വണ്ണം കുറഞ്ഞ, മഞ്ഞനിറത്തിലുളള സുഗന്ധമുളളതും സ്വാദിഷ്ടവുമായ ഫലമാണ് ഞാലിപ്പൂവൻ. 12കി.ഗ്രാം ശരാശരി ഭാരമുളള പൊടിപുശിയതുപ്പോലെ ഉറപ്പുള്ളതുമായ ഫലങ്ങളായിരിക്കും ഇവ.

റോബസ്റ്റ: കാറ്റ് അധികം ബാധിക്കാത്ത ഇടത്തരം ഉയരമുള്ള, പഴത്തിനുവേണ്ടി വളർത്തുന്ന പ്രധാന ഇനമാണ് റോബസ്റ്റ. കൂടുതൽ വിളവ് തരുന്ന ഇവ ഇടതൂർന്ന പഴങ്ങളായാണ് കാണപ്പെടുക. പഴക്കാമ്പ് വെണ്ണയുടേതുപ്പോലെ നിറവും മൃദുത്വവും, പച്ചനിറവുമാണ് പഴത്തിന്റെ രൂപം. 14 കി.ഗ്രാം ആണ് ഒരു ശരാശരി കുലയുടെ ഭാരം.

Also Read: പച്ചക്കറി കൃഷി ചെയ്യാൻ വീട്ടിൽ സ്ഥലമില്ലെങ്കിലെന്താ, വാഴത്തണ്ടിൽ കൃഷി ചെയ്യാം [Video]

Jaya Balan

An aspiring writer and activist on gender issues.