വൻ കുതിച്ചു ചാട്ടത്തിനൊരുങ്ങി ഓർഗാനിക് പാക്കേജ് ഫുഡ് മേഖല; 2021 ൽ ലക്ഷ്യമിടുന്നത് 871 മില്യൺ രൂപയുടെ വളർച്ച

2016 ൽ 533 മില്യൺ രൂപയായിരുന്നു ഓര്‍ഗാനിക് പാക്കേജ് ഫുഡ് മേഖലയിലെ വളര്‍ച്ച, കൂടാതെ 17 ശതമാനം വാർഷിക വളർച്ചാനിരക്കും (സി എ ജി ആർ) ഈ മേഖല കൈവരിച്ചിട്ടുണ്ട്. വ്യാപകമായി നഗരങ്ങൾ കേന്ദ്രീകരിച്ച് വളരുന്ന ഉപഭോക്താക്കളുടെ എണ്ണം, സാധാരണ ഭക്ഷണവുമായി ബന്ധപ്പെട്ടുണ്ടാകുന്ന ആരോഗ്യപ്രശ്നങ്ങളിലെ വർധന, ഭക്ഷ്യ ഉത്പന്നങ്ങൾക്കായി പണം കൂടുതൽ ചെലവഴിക്കാനുള്ള പ്രവണത എന്നീ ഘടകങ്ങൾ ഓർഗാനിക് പാക്കേജ് ഫുഡ് മേഖലയുടെ വളർച്ചയ്ക്ക് നിർണായകമാണെന്ന് ASSOCHAM വും EY യും സംയുക്തമയി പുറത്തിറക്കിയ കാർഷിക പഠന റിപ്പോർട്ടിൽ പറയുന്നു.

[amazon_link asins=’B00MNBNIR6′ template=’ProductAd’ store=’Mannira3765′ marketplace=’IN’ link_id=’36cd6348-2df4-11e8-8cae-f7127861807a’]

ഓർഗാനിക് പാക്കേജ് ഫുഡ് ഇന്ന് ഇന്ത്യയിൽ ഏറ്റവും വളർച്ചാനിരക്കുള്ള വിപണികളിൽ ഒന്നാണ്. അതിന്റെ പ്രാഥമിക ഉപഭോക്താക്കൾ ഉയർന്ന വരുമാനമുള്ള നഗരവാസികളാണ്. ഓർഗാനിക് ഭക്ഷ്യ വസ്തുക്കൾക്ക് വിപണിയിൽ ആവശ്യക്കാർ വർധിക്കുന്നതോടെ ഈരംഗത്ത് സജീവമായ കമ്പനികളും വളർച്ചയുടെ പാതയിലാണ്. കൂടാതെ കോൺഷ്യസ് ഫുഡ്സ്, സ്രെസ്റ്റ, ഇക്കോഫാംസ്, ഓർഗാനിക് ഇന്ത്യ, നവധാന്യ, മൊറാർകാ ഓർഗാനിക് ഫുഡ്സ് തുടങ്ങിയ പുതിയ കമ്പനികളും ഓർഗാനിക് പാക്കേജ് ഫുഡ് മേഖലയിൽ പ്രവർത്തനം തുടങ്ങിക്കഴിഞ്ഞു.